Berrehun kiloko laukizuzenarekin hiruren artean lehia estua izan bada ere, handik aurrera nagusitasun osoz gailendu zaie Jokin Eizmendi beste bostei. Pisu ezberdineko lau harri mota altxatu dituzte hiru minutuko saioetan: 200 kiloko laukizuzena; 175 kiloko zilindrikoa; 150eko kubikoa eta 125eko bola. Eizmendik, Goenatxo III.ak eta Galarragak seina jasoaldi egin dizkiote 200ekoari, baina hurrengo harriarekin, koparekin, sekulako erakustaldia eman du Eizmendik 13 jasoaldi eginda, 5 jasoaldi gehiago aurkari zuzenak baino. Gainera, lortutako errenta handitzea lortu du kubikoarekin eta bolarekin. Guztira, 7150 kilo bizkarreratu ditu eta 2000 kiloko aldea atera dio bigarren geratu den Jon Unanue 'Goenatxo III.ari'.
Urteari amaiera emateko, herri-kirol jaialdi bikaina antolatu da Asteasun, ohi denez. Aimar Irigoien handiaren faltan, sei harri-jasotzailek jardun dute pisu ezberdineko lau harri bizkarreratzen, eta gainera, formatoz aldatuta, binaka aritu baitira lanean, jaialdiaren iraupena ia erdira ekarriz.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!