Otaño eta Elizegi; emakumeak bertso ondarea aletzen

Erabiltzailearen aurpegia Anbune 2018ko urr. 15a, 22:39

Bertso-hitzaldi musikatua eman zuten Zizurkilen urriaren 10ean, Estitxu Eizagirre, Argia astekariko zuzendari eta bertsolariak zuzendurik. Jardun horretan lagun izan ditu Unai Mendizabal eta Oihana Iguaran bertsolariak eta Tomax Lizardi gitar-jotzaile gisa.

Adriana, Joxe Bernardo Otaño bertsolariaren alaba zen eta Pedro Mari Otaño bertsolariaren lehengusua. Adrianari esker iritsi dira gaur arte Pedro Mari eta Jose Bernardo Otañok elkarri kantatutako bertso epikoak.
 
Mikaela Elizegi, berriz, Pello Errota bertsolariaren alaba zen. Bera ere bertsolaria. Berari esker iritsi zaizkigu bere aitaren bertsoak, eta bereak. Mikaelak bazuen ahizpa bertsolaria, Joxepa Iñaxi. Etxean bertsotan egiten zuten garai hartan, ez tabernan bakarrik. Eta etxean gizonak eta emakumeak aritzen ziren bertsotan. Adriana Otaño eta Mikaela Elizegiri esker dakizkigu beren familiako gizon bertsolari handien bertsorik intimoenak.

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!