'Beteranoek eragiten duten zirrara eta Latasa Saria' (Sunbila, 2018-08-11) (28'54'')

Erabiltzailearen aurpegia Anbune 2018ko irailaren 6a

Aurtengoa XVII. edizioa izan da. Herri-kirol jaialdi bikaina antolatu dute Ramon Latasaren izenean. Guztira 16 kirolarik hartu dute parte. Hamalau kirolari aizkoran aritu dira, eta 2 kirolari txinga-eroaten. Sunbilako frontoia gainezka egon da eta kirolariek bero itzelari egin behar izan diote aurre.

Hasteko, 4 aizkolari beteranok ekin diote lanari. Binaka antolatu dira, honela: Angel Arrospide eta Jose Inazio Orbegozo 'Arria II.a'-k osatu dute bikotea. Mikel Mindegia eta Patxi Astibiak osatutakoa izan da bestea. Sei kanaerdiko moztu dituzte txanda librean. Lehen bikotea izan da irabazlea. 
Ondoren, txinga-eroaten jardun dira Xanta Souza eta Ousmane Drame. Lehena, 50 kiloko txingekin, eta bigarrena, 100 kilokoekin.
Latasa saria jokatu dutenak 5 bikote izan dira. Hamar kanaerdiko eta 60 ontzako 6 enbor moztu dituzte txanda librean. Atutxa II.a eta  Txikia IV.a atera dira garaile.
Musika. Juan Mari Beltran 'Hamar hamaiketako eguzki beroa'; 'Mendirik mendi lainoa'; 'Martxa herrena'. JM Beltran & Astiasaran anaiak: 'Agirretxe arin arin'. Laja, Ziolar, Eguren: 'Juantxo'; 'Azkar'. Mila-mila esker guztioi!

Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!


EGIN ATARIKIDE!