Bigarren bideo honetan ere hainbat gairi kantatuko diete bertsolariek. Alberdik beste laurak lagun egokiak ditu bere bizitzan. Horietako bakoitzak zer ekarpen egiten dion azalduko digu Alberdik. Colina sagardogile afizionatua da eta Iguaran bere sagardoa edan eta tripako minez dagoena. Zubeldiak luxozko arropa denda du eta Arzallus hor dabil bere dendan zer jantzi ez dakiela. Alberdi eta Colina anai-arrebek guraso adinekoak dituzte, zaintza behar dutenak. Iguaran beste laurek euren haurrekin dituzten arazoei irtenbidea topatzen saiatuko da. Arzallusek jendarteak dituen korapiloak eta bertsolaritza lotuko ditu.
Bertso-jaialdia burutu da Alegiako zine-aretoan, herri-jaien baitan. Jende andana hurbildu da eta bost bertsolari izan dira bertan parte dutenak Mikel Artola gai jartzailearen esanetara: Uxue Alberdi, Sustrai Colina, Beñat Iguaran, Iker Zubeldia eta Amets Arzallus.
ATARIA ez da soilik komunikabide bat: komunitate baten ahotsa da, eta urte hauen guztien ondoren, zuen babesa behar dugu, inoiz baino gehiago: ATARIAk behar du Tolosaldea. Horregatik erronka bat daukagu esku artean: gure eskualdeko 28 herrietan hamarna harpidedun berri behar ditugu. Zu falta zara, bazatoz?
EGIN ATARIKIDE!