XIII. Txintxarri Saria antolatu da herri-jaien baitan. Eta Sari honen gerizpean, Harri Txikien Gipuzkoako Harri-jasotze Txapelketa jokatu da. Aurtengo edizioan honako harri-jasotzaile hauek izan dira parte hartu dutenak: Hodei Iruretagoiena (Izeta IV.a) zarauztarra, Xabat Olaizola zarauztarra, Aimar Irigoien errezildarra, Xabier Peñagarikano (Peña) aizarnazabaldarra eta Imanol Albisu (Goikoetxe) elgoibartarra.
Hiru harrirekin egin behar izan dute lana 3 minutuko saioan. Harri astunena 10 arroa edo 125 kilokoa izan da. Bigarren saioan 9 arroako edo 112,5 kiloko harri kubikoa jaso dute bizkar gainera. Zortzi arroa edo 100 kiloko harri biribilarekin amaitu dituzte altxaldiak. Irigoien nagusitu da hiru harrirekin eta berak jantzi du txapela (XI.a) 83 altxaldi eginez. Bigarren Goikoetxe izan da. Irigoienek 737 kiloko aldea atera dio honi. Hurrengoak Peña, Izeta IV.a eta Olaizola geratu dira hurrenkera horretan.
Musika: Elizagoien ahizpak (mila esker).
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
