Bi emakume harri-jasotzaile izan dira Alegiako jaietan parte hartu dutenak, XIII. Txintxarri Sariaren baitan. Aurtengoak aparteko berezitasuna izan du, ze, Idoia Etxeberriak harri-jasotzeari utzi egingo diola erabaki baitu.
Bero galantarekin plazaratu dira Karmele Gisasola mallabiarra eta Idoia Etxeberria Orioko Ortzaikakoa, jendez gainezka egon den Elorri frontoian. Gisasolak bi harrirekin egin du lan, 75 kiloko errektangularrarekin eta 63 kiloko borobilarekin. Etxeberriak, berriz, hiru harri izan ditu lanerako: 118ko errektangularra, 80ko kubikoa eta 63ko borobila. Azken honekin egin du agur hunkigarria, jendearen berotasuna eta errekonozimendua jasoz.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!