Gelajauziak izeneko ikuskizunarekin hurbildu dira Altzora, herri-jaien egitasmoaren baitan. Bost laguneko taldeak ikuskizun aparta eman du eta ikusleek adi jarraitu dituzte dantzarien pausu eta mugimenduak. Hiru pieza izan dira dotoreziaz dantzatuak. Fandango batekin amaitu dute agerraldia. Bideo honetan lehen pieza duzu ikusgai.
Kukai dantza konpainia Jon Maya dantzari eta koreografo errenteriarraren eskutik sortu zen 2001ean. Dantza tradizionaletik abiatuta, ikuskizun garaikide ezberdin ugari sortu izan ditu. Elkarlanean ere jardun ohi du, antzezle eta musikari ezberdinekin. Sari ugari ere jaso ditu bere ibilbidean.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!