Maider Zabalegik kontzertua eman du Abaltzisketan, Gorka Urra eta Urbil Artola lagun dituela. Bigarren bideo honetan 'Aitonari' eta 'Ilargi, non zaude?' kantak dakartzagu hona.
Biek ala biek heriotza dute hizpide. Hamalau urtez egon da, Maider, oholtzetatik kanpo. Baina duela bi urte aitona hil zitzaion eta abestiak konposatzeari ekin zion barne indar batek hauspotuta.
Bigarren kanta Mikel Errazkinena da. Hura 2008an zendu zen 34 urterekin eta bizimodu latza tokatu zitzaion bizitzea. Tronbosiatik suspertzen ari zela hil zitzaion ama, eta orduan egin zuen Mikelek 'Ilargi, non zaude?' abestia bere ama gogoan.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
