Zurrumurruek apustu parekatua adierazten bazuten ere, Arria V.a erraz nagusitu zaio Zalduari. Lehenengo enborretik atera dio aldea Zalduari, eta korrika lanean ere handitu egin du abantaila. Aizkorako lanean 22'34" behar izan ditu. Zalduak, berriz, 25'10". Arria V.ak 41' eta 49 segundotan egin ditu 10 kilometroak. Zalduak 1 minutu eta 5 segundo gehiago behar izan ditu. Amaieran, honako hau izan da Arria V.aren denbora: 1,04'23". Zalduarena, berriz, 1,08'04".
Arria V.a errezildarraren eta Zaldua zumarragatarraren arteko apustua jokatu da Azpeitiko zezen plazan. Arria V.aren aldekoa izan da apustua, 3 minutu eta 41 segundoko abantailarekin. 4.000 euro zeuden jokoan eta Arria V.ak bereganatu ditu.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!