Nagusi mailako Gipuzkoako Txapelketaren hiru final jokatuko dira larunbat arratsaldean, hilaren 7an,(16:00) Irurako Ametsa trinketean: Nagusi  mailako xarekoa,   Nagusi mailako, eskuz banakako, 1. Maila eta 2. Mailako finalak. 

Lehen finala (16:00)  xarekoa izango da, eta Ametsa Pilota Elkarteko Mendizabal-Mujika eta Gibelalde-Iturbe bikoek jokatuko dute elkarren kontra.  Nagusi izan da Mendizabal-Mujika bikoa ligaxkan, eta   ligaxkako lehen postua eskuratuta, finalerako zuzenean sailkatu ziren.  Gibelalde-Iturbe bikoak, berriz,  finalerdia jokatu behar izan zuen Lopetegi II-Huizi bikoaren kontra,  eta finalerdi  on bat jokatu eta irabazita finalerako txartela lortu zuen Gibelalde-Irurbe bikoak. Aurreikuspenak betetzen badira,  faborito garbirik ez dago,  eta  partida lehiatua eta tentsio handikoa izatea aurreikusten da, batik bat, lau pilotariek euren maila ematen badute, eta, jakina, horrela izatea espero eta desio  dugu.  Hortaz,  xareko  partida estu,  lehiatu eta ikusgarria ikusi ahal izango da larunbatean(16:00) Ametsa trinketean. 

Segidan,   Eskuz banakako, lehen mailako eta bigarren mailako,  Gipuzkoa Txapelketaren,   bi finalak jokatuko dira:   2. mailakoan,  Abantzu Elkarteko Alonsok, Behar Zana Elkarteko Elolaren kontra, eta 1. mailakoan, Errenteriako EPLE Elkarteko  Tabernak eta Chiapusok jokatuko dute elkarren kontra.