Larunbat arratsaldean Hazpazneko Berria trinketean jokatu zen finalerdian, Julien Urtxuegia eta Salbat Duperou bikote urruñarrari (40-21) irabazi eta gero.
Ez zen ondo hasi Ametsako bikoa(4-12), baina partidaren lehen laurdenerako parekatu eta aurrea hartzea lortu zuten 11-2ko partziala eginda(15-14). Hemendik aurrera ez zen partidarik izan; Julien Urtxuegiak zorigaiztoko jokaldi batean, Xubanek jarritako pilota gaizto bat harrapatu nahian, belaunean min hartu zuen, eta hortik aurrera ezinean jokatu zuen partida osoa. Ospitalera eraman zuten partida amaieran, baina gu Hazparne utzi genuenean, oraindik ez zekiten ezer bere ingurukoek. Ea ezer larririk ez den!
Ondorioz, Xuban eta Oier nahieran aritu ziren, eta gehiegi estutu gabe, garaipen erraza eta finalerako txartela lortu zuten, arestian esan bezala, 40-21 irabazita. Bejondeiela!
Orain, datorren larunbatean, trinkete berean, Hazparneko Berria trinketean, alegia, garaipena lortzea baino ez zaie falta, egindako txapelketa borobiltzeko.
Finala, Noizbait taldeko Txomin Sasco eta Pello Larramendi ikoaren kontra jokatuko dute. Irabaziko balute, heldu de urtean, Ametsa Pilota Elkarteak Iparraldeko Xareko Neguko 25/26 Xareko Txapelketan talde batekin jokatzeko aukera izango luke.
Zorionak!