Iparraldeko Neguko 25/26 Xare Txapelketaren finalerdiak jokatuko dira larunbat arratsaldean Hazparneko Berria trinketean
Dakizuen bezala, Ametsa Pilota Elkarteko Xuban Lopetegi eta Oier Iturbe 2. Mailako finalerdia jokatzeko sailkatu dira, eta Urruñarrak taldeko Urtxuegia-Dupereau bikoa izango dute aurkari larunbatean (16:00) Hazparneko Berria trinketean. Eskarmentu handiko bikoa osatzen dute urruñarrek, eta partida gogorra eta lehiatua izatea aurreikusten da; elkarren kontra jokatutako aurrekaririk ez dago, ligaxkan multzo desberdinetan aritu direlako. Aurreko urtean lehen mailan aritutako bikoa da, eta, dirudienez, aurten ere bazuten bertan jokatzeko aukera, baina 2. Mailan jokatzea erabaki zuten. Hortaz, sendo aritu, huts gutxi egin eta lan ona egin beharko dute Xubanek eta Oierrek finalerako txartela eskuratu nahi badute, arerioek gutxi oparituko dietelako. Xuban eta Oier ere bikain aritu dira. Erakutsi dute bikote indartsua osatzen dutela elkarrekin, eta jokatutako partida guztiak irabazi egin dituzte. Orain arteko mailari eusten badiote, garaipena lor dezake.
Ea horrela den! Animo!