III. Gazteak San Migel Xare Irekiko finalista bat eta finalerdia erabaki ziren aurreko jardunaldian, eta ostiralean, azken jardunaldian, multzoko 2. eta 3. postuetan nor geratuko den erabakiko da.
Ostiralean, 18:00etan, jokatuko dute partida hau Telletxea-Iturbe bikoak eta Garmendia-Mujika bikoak. Matxalen Mendizabalek min hartu zuen aurreko partidan, eta Oier Garmendia gaztetxoak ordezkatuko du.
Bigarren partidan, Halsouetek eta Lopetegi II.ak ez dute ezer jokoan, finalerako sailkatuta daudelako; Zabalegik eta Herasek, berriz, partida irabaztearen ohorea izango dute jokoan.
Jardunaldiko 3. partidan, V. San Migel Xare Irekiko partida izango dugu, eta hemen Lopetegi-Castera bikoak, lehen postua izango du jokoan.
Larronde-Moncada bikoaren kontra jokatuko dute, eta Joxi Lopetegik eta Andoni Casterak bi aukera izango dituzte finalera zuzenean sailkatzeko: partida irabazita, lehena, eta galtzen badute, 35 tantu edo gehiago eginda, bigarrena.
Ez bata ez bestea ez badituzte lortzen, Etxeberri-Funosas bikoa sailkatuko litzateke finalerako zuzenean.