Mujika II -Garmendia bikoak 40-26 irabazi zion Lizarraga-Calonge bikoari finalerdia.
Ondorioz, Unai Gibelalde eta Ander Mujika bikoaren kontra jokatuko dute Infantil mailako Gipuzkoako Txapelketaren xareko finala.
Partidaren lehen zatia orekatua izan zen; lau pilotariek, zegoen berdintasunaren erakusgarri, oso joku ona egin zuten lehen zati horretan, Bigarren zatian, berriz, Naroak eta Oierrek gehixeago asmatu zuten, eta, egiari zor, zorte apur bat gehixeago ere izan zuten hainbat jokaldi erabakiorretan, eta hori guztiari esker pixkanaka aldea irekitzea lortu zuten markagailuan, eta azkenean nahiko erraz irabazi zuten finalerdia. Ondorioz, Infantil mailako Gipuzkoako Txapelketaren xareki finala, apirilaren 1 ean, larunbatean, 17:00etan, Irurako Ametsa trinketean, Gibelalde-Mujika III eta Mujika II-Garmendia bikoek jokatuko dute.