Infantil mailako Gipuzkoako xare txapelketa hasiko da larunbatean, martxoaren 4an, Irurako Ametsa trinketean.
Ametsa Pilota Elkarteko lau bikotek hartuko dute parte, eta hauek izango dira:
- Ametsa 1/ Gibelalde(Unai)-Mujika(Ander)
- Ametsa 2/ Mujika(Naroa)- Garmendia,(Oier)
- Ametsa 3/ Zabalegi(Xabat)- Larrañaga(Unai)
- Ametsa 4/ Lizarralde(Oinatz)-Calonge(Ander)
Multzo bat osatuko dute lau bikotek, eta, hasteko, elkarren kontrako ligaxka bat jokatuko dute; multzoko lehen sailkatua finalera sailkatuko da zuzenean; bigarren eta hurugarren sailkatuek finalerdia jokatuko dute, eta laugarren sailkatua kanporatua izango da.
Lehen esan bezala, larunbatean, martxoaren 4an hasiko da Txapelketa Irurako Ametsa trinketean.
Lehen partida, 14:30ean hasita, Lizarralde-Calonge bikoak Mujika II-Garmendia bikoaren kontra jokatuko du, eta bigarrena, Gibelalde-Mujika III bikoak Zabalegi II-Larrañaga bikoaren kontra jokatu du.
Etorkizuneko xare pilotariak ikusteko aukera ezin hobea izango dugu Irurako Ametsa trinketean larunbat arratsaldeetan, eta bide batez, baita Ametsa Pilota Elkartea gazte hauekin egiten ari den lana ikusteko aukera ere. Espero zaituztegu!