Xareko jardunaldi erabakigarria Ametsa trinketean!

Erabiltzailearen aurpegia

Jubenil mailako Gipuzkoako xare txapelketaren 3. jardunaldia jokatuko da ostiralean, urtarrilaren 27an, 19:00etan hasita, Irurako Ametsa trinketean. Finalista bat, eta finalerdia jokatuko duten bi bikoak erabakiko dira.

Ligaxkako bi partidak irabazi dituzten Mendizabal-Heras eta Maiza-Mujika bikoen artekoa izango da lehen partida. Irabazleak finalerako txartela jasoko du zuzenean; galtzaileak, berriz, finalerdia jokatuko du. Ez dago faborito garbirik; bi bikoek ligaxka paregabea jokatu dute, eta nagusitasuna erakutsi dute. Partida lehiatua, gogorra eta maila handikoa izatea espero dut.

Bigarren partida, Murua-Iturbe eta Zabalegi-Lopetegi bikoen artekoa izango da. irabazleak finalerdia jokatzeko txartela lortuko du, eta galtzailea, berriz, kanporatua izango da. Hau ere faborito argirik ez duen partida irekia izango da.

Honengatik guztiagatik, ostiral iluntzean, 19:00etan, xare partida interesgarriak eta erabakiorrak izango dira jokoan Irurako Ametsa trinketean. Espero zaituztegu!!!

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!