Gipuzkoako xare txapelketaren bigarren jardunaldia jokatuko da asteburuan Irurako Ametsa trinketean.
Ostiralean, urtarrilaren 20an, 19:00etan, Maiza-Mujika bikoak eta Murua-Iturbe bikoak jokatuko dute elkarren aurka. Maiza-Mujika, lehen partida irabaztetik datoz, eta bigarren hau ere irabaziko balute, finalerdietarako sailkatuko lirateke zuzenean. Murua-Iturbe bikoa, aldiz, lehen partida galtzetik datoz, eta bigarren hau galduko balute, azken jardunaldian hil ala biziko partida jokatu beharko lukete Zabalwgu-Lopetegi bikoaren kontra.
Igandean, urtarrilaren 22an, 17:00etan, Zabalegi-Lopetegi bikoak eta Mendizabal-Heras bikoak jokatuko dute elkarren kontra. Bi bikote hauek ere aurrekoen egoera berean daude; alegia, Zabalegi-Lopetegi bikoak jokatutako partida galduta, eta Mendizabal- Heras bikoa jokatutakoa irabazita. Hortaz, bi biko hauentzat ere, puntu garrantzitsua jokoan.