Ostiralean, urtarrilaren 13an, hasiko den jubenil mailako Gipuzkoako xare txapelketan Ametsa Pilota Elkarteko lau bikotek parte hartuko dute: Zabalegi-Lopetegi; Mendizabal-Heras; Maiza-Mujika eta Murua-Iturbe.
Multzo bat osatuko dute, eta lehendabizi elkarren kontrako ligaxka bat jokatuko dute; multzoko lehena, finalerako sailkatuko da; bigarrenak eta hirugarrenak finalerdia jokatuko dute, eta laugarrena kanporatua geratuko da.
Arestian esan bezala, ostiralean, urtarrilaren 13an, hasiko da Ametsa trinketean, eta lehen partida, 18:30ean, Murua-Iturbe bikoak, Mendizabal-Heras bikoaren kontra jokatuko du, eta, bigarrenean, Zabalegi-Lopetegi bikoak, Maiza-Mujika bikoaren kontra.
Bikoak parekatuak daude, eta xare partida ederrak ikusteko aukera izango da ostiral iluntzeetan Ametsa trinketean.
Espero zaituztegu!