Euskadiko selekzioko Julen Zabalegik eta Oier Iturbek 2-0 (15-08/15-06) galdu zuten Frantziako selekzioko Halsouet - Becaas bikoaren kontra, IPBren mendeurreneko Lehiaketan. Ondorioz, gaur, Nafarroaren kontra (18:00etan) brontzea izango dute jokoan Euskadiko selekzioko pilotariek.
Jokoaren ekimena, frantziarrena izan zen haseratik, baina bi joku parekatu ikusi ahal izan genituen. Becaas atzelari frantziarrak bere eskarmentua eta kolpea baliatu zituen, jokoaren ekimena baldintzatzeko, eta Oxan Halsouetek, tantuak amaitzeko , bere lagunaren nagusitasuna baliatzeaz gain, ondo baino hobeto eutsi zien Oier eta Julenen erasoei. Hala ere, bai Julenek bai Oierrek oso partida ona jokatu zuten, eta etorkizunean gauza garrantzitsuagoak egiteko gai direla erakutsi zuten. Ea gaur brontzea kolkoratzen duten!