Ostiralean, 19:00etan, II. Gazteak Xare Irekiaren bigarren jardinaldia jokatuko da. Lehen partidan, Halsouet-Iturbe bikoak Zabalegi-Erro bikoaren kontra jokatuko du, eta, segidan, Mendizabal-Vila bikoak Arrizabalaga -Mujikaren kontra.
Larunbatean, 17:00etan, IV. San Migel Xare Irekiko ligaxkaren azken jardunaldi erabakiorra jokatuko da. Lehen partidan, Driolet-Sistiage, Saint Estebenen ordez, eta Etxeberri-Castera bikoek finalerdietarako txartela izango dute jokoan. Irabazlea multzoko bigarren postuan sailkatuko da, eta, ondorioz, finalerdia jokatzeko txartela lortuko du; galtzailea, berriz, txapelketatik kanpo geratuko da. Bigarren partida, Borteyru II-Petrisans bikoak Lopetegi-Moncada bikoaren kontra jokatuko du. Partida erabakiorra ez bada ere, bi bikoak finalerdietarako sailkatuta daudelako, multzoko lehen eta bigarren postuak izango dituzte jokoan. Irabazleak, aurreko partidaren irabazlearen kontra jokatuko luke finalerdia, eta, galtzaileak, faborito nagusiak diren Larronde-Borteyru I bikoaren kontra jokatuko luke finalerdia. Xareko partida interesgarriak ikusteko aukera Ametsa trinketean. Espero zaituztegu!!!