Larunbatean, abenduak 18, 14:00etan, jokatuko da Arrangoitzen, Maiza-Lopetegi eta Larrañaga-Heras bikoen arteko finala. Maiza-Lopetegi dira faborito; hutsik gabeko Txapelketa eginez, partidarik galdu gabe, iritsi dira finalera. Orain, finala irabaziz, egindakoari amaiera bikaina ematea baino ez zaie falta. Hala ere, Larrañaga-Heras bikoa saiatuko da hori gerta ez dadin; gorantz egin du azken partidetan biko honek, batez ere, Heras atzelariak erakutsi duen sendotasunagatik, eta Larrrañaga aurrelari gazteak erakutsi duen ausardiagatik. Maiza-Lopetegi bikoaren erasoei eustea lortzen badute, gaztetxo irurarren arteko final ikusgarria ikusteko parada izan dezakegu.
Gerta ala gerta, Irurak, Ametsak eta irurarrek irabazi dugu!
Lana egina dago; orain, onenak irabaz dezala!