Larunbat goizean, Urruñako trinketan, Oxan Halsouetek eta Jakes Vilak 40-28 irabazi zieten Matxalen Mendizabal eta Gorka Huitziri. Urruñarrak ziren faborito, baina irurarrek partidari hasera bikaina eman zioten eta 8-16 aurrea hartzea lortu zuten, eta urruñarrak urduri jartzea lortu zuten, baina atsefen bat eskatu ondoren, Oxan Halsouet asmatzen hasi zen, eta partida 40-28 irabaztea lortu zuen Urruñako bikoak. Partida ona jokatu zuten lau pilotariek, eta irurarrak, galdu arren, egindako jokoarekin gustura geratu ziren.
Arratsaldean, Ametsa trinketean ez zen ezustekorik izan inondik inora. Julen Zabalegik eta Markel Mujikak 40-3 nagusitasun osoz hartu zituzten mendean Hazparneko Joan Larre eta Ellande Morvan.
Atzoko emaitzekin, Mendizabal-Huitzi bikoari finalerdietarako sailkapena, bi jardunaldi faltan, garesti jarri zaio. Litekeena da sailkapena Ametsako Isasa-Iturbe bikotearen kontrako partidan jokatzea. Zabalegi-Mujika bikoak, berriz, sailkapen buruan jarraitzen du, Urruñako Halsouet-Vila bikoarekin berdinduta. Bi bikote hauek sailkapenaren lehen postua jokatuko dute elkarren kontra ligaxkako azken jardunadian.