Ostiralean, 20:00etan, Ametsako Zabalegi-Mujika eta Mendizabal- Huitzi bikoen arteko derbia izango dugu Ametsa trinketean. Zabalegi-Mujika bikoa da faboritoa, orain arte jokatutako partida guztiak irabazi dituelako, baina Mendizabal-Huitzi bikoa irabaztera behartuta dago, bestela finalerdietarako sailkapena zaildu egingo zaiolako.
Larunbatean, 15:00etan, Oragarren (Orégue)(Nafarroa Beherea) bi partida jokatuko dituzte Ametsakoek, Donapauleko Amikuze taldearen kontra.
Lehen partida, Zabalegi-Mujika bikoak jokatuko du Amikuzeko Arhie-Tartas bikoaren kontra. Partida honetan ere irurako bikoa da faborito, eta ezustekorik ezean, ez lukete arazorik izan behar partida irabazteko.
Ondoren, Isasa-Iturbe bikoaren txanda izango da. Hauek ere heuren maila ematen badute, ez lukete arazorik izan behar partida irabazteko.
Igandean, Gaztetxoen txanda izango da Ametsa trinketean. Goizeko 10:30ean emango zaio hasera jaialdiari, eta Ametsako, Maiza-Lopetegi; Murua-Aristi eta Larrañaga-Heras bikoek, Goizeko Izarra, Urruñarrak eta Noizbait taldeko pilotarien kontra arituko dira goiz osoan zehar.