Ostegunean, irailak 23, 20:00etan, III. San Migel Xare Irekiaren lehen finalerdia, Larronde-Etxebest/ De Paredes-Funosas izango da. Faborito argirik gabe jokatuko da. Bi bikoek ez dute nagusitasun berezirik erakutsi ligaxkan. Hortaz, finalerdi lehiatua eta parekatua aurreikusten da.
Ostiralean, irailak 24, 18:30ean, bigarren finalerdia jokatuko da. Borteyru anaiek, Lopetegi-Petrisans bikoaren kontra jokatuko dute. Lopetegi-Petrisans dira faborito, batez ere, Joxi Lopetegi herritarrak etxean jokatzen duelako. Hala ere, Borteyru anaiak lehiakorrak dira oso, eta kontuz ibili beharko dute Irurarrak eta hazpandarrak.
I. Gazteak Xare Irekiko finalerdiak, igandean, irailak 26, 11:00etan hasita jokatuko dira.
Lehen partidan, herritarren artekoa izango da. Maiza- Iturbe bikoak Zabalegi-Mujika bikoaren kontra jokatuko dute. . Hauek dira faborito, baina Maiza-Iturbe ondo jokatzen ari dira, eta serio hartu beharko dute partida Zabalegi-Mujikak ezustekorik nahi ez badute.
Bigarren partidan, Urruñako Halsouet-Vila bikoa eta Mendizabal-Heras bikoaren artekoa izango da. Urruñarrak dira faborito. Nagusitasun handia erakutsi dute ligaxkan, eta zail daukate Mendizabal-Heras irurarrek. Ondo baino hobeto egin beharko dute guztia, urruñarren kontra aukerarik izan nahi badute.