Ostegunean, irailak 2, 18:00etan, hasiko da Irurako Ametsa trinketean, I. Gazteak Xare Irekia. Lehen jardunaldian, bi partida jokatuko dira; lehenean, Zabalegi- Mujika bikoak Montero-Isasa bikoaren kontra jokatuko du. Eta bigarrenean, Mendizabal-Heras bikoak, Maiza-Iturbe bikoaren kontra.
Ostiralean, irailak 3, III. San Migel Xare Irekia/ Irurako Udala Sari Nagusia hasiko da. Urtero bezala, Munduko xarelari onenek parte hartuko dute; Iparraldeko hamar xarelari eta iruratar bi- Lopetegi eta Apeztegia- sei bikote osatuz. Sei bikoteak, bi multzotan banatuta, irailaren 3an, 12an eta 18an ligaxkako partidak jokatuko dituzte, eta multzo bakoitzeko bi lehenak sailkatuko dira finalerdietarako. Hauek, irailaren 24an jokatuko dira. Eta finala, urriaren 2an, jokatuko dute irabazleek.
Lehen jardunaldian, ostiralean, irailak 3, 18:30ean, partida hauek jokatuko dira:
lehena, Lopetegi-Petrisans bikoak Etxeberri-Karrikaburu bikoaren kontra jokatuko du, eta bigarrenean, De Paredes-Funosas bikoak Borteyru II- Borteyru I. anaien kontra.
Indarrean dauden COVID-19 osasun neurriak bete beharko dira partidak ikusi nahi dituenak. Errespeta eta bete ditzagun neurriak!