Asteazkenean, apirilak 28, Jubenilak mailako atzeratutako Yeregi-Mujika eta Mendizabal- Isasa partida jokatuko da. Hauek irabazten badute, finalerdietarako txartela, behinik behin, eskuratuko dute. Galtzen badute, berriz, azken jardunaldian erabakiko da dena.
Ostegunean, apirilak 29, 19:00etan, Gazteak mailako, Mendiluze-Lopetegik , Maiza-Herasen kontra jokatuko dute. Maila honetan dena erabakita dago. Galartza II-Aristi izango da finala jokatuko duen biko bat, eta ostegunean jokatuko duten pilotariek, berriro elkarren aurka jokatu beharko dure finalerdia. Finalerdirako aproba partida izango da ostegunekoa.
Ostiralean, apirilak 30, 17:15ean, Emakumezkoekin hasiko gara. Hau ere jardunaldi erabakiorra izango da, hemen ere oraindik ez baitago ezer erabakita. Goenaga-Fernandezek, Mujika-Gorritiren kontra jokatuko dute. Hauek irabazten badute, finalerako txartela lortuko dute zuzenean; galtzen badute, berriz, hiru bikoteak garaipen banarekin berdinduta geratuko dira. Hortaz, tanteoari begiratu beharko zaio. Edozer gerta daiteke, faborito garbirik ez dagoelako.
Segidan, 18:15ean, Jubenilak mailako azken jardunaldia izango dugu jokoan. Hemen ere dena jokoan izango da, eta emaitzen arabera erabakiko dira sailkapeneko lehen lau postuak. Lehen partidan, Yeregi-Mujikak, Zabalegi- Iturberen kontra jokatuko dute. Eta bigarrenean, Mendizabal-Isasak, Montero- Huitziren kontra.
Eta eguna eta astea amaitzeko, 20:15ean, Nagusiak mailako Lopetegi-Moncada, Santano-Apeztegia II.ren kontra jokatuko da. Hauek lehen partida galtzetik datoz, eta ez ditudi Lopetegi-Moncadari irabazteko gai izango direnik, baina pilota borobila da, eta partidak jokatu egin behar dira. Esandakoa, maila honetan ere, dena erabakitzeke. Hortaz, xareko pilota partida interesgarriak ikusgai izango ditugu asteon Irurako Ametsa Trinketean.
Finalerdiak eta finalista gehienak erabakiko dira aste honetan
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!