Igande goiz pasa ederra izan zuten Ametsako pilotari gaztetxoek eta heuren familiartekoek Urruñan. Gaztetxoen mailako Ametsako bi bikoteek lan bikaina egin zuten Urruñarrak taldeko hiru bikoteen aurka. Ametsa 01 taldeko Zabalegi-Mujika bikoak jokatutako 3 partidak irabazi zituen; 30-12 Urruñarrak 03 taldeari, 30-11 Urruñarrak 02 taldeari eta 30-11 Urruñarrak 01 taldeari, hurrenez hurren. Ametsa 02 taldeko Mendizabal-Iturbe bikoak, aldiz, hirutik bi partida irabazi zituen; 30-12 Urruñarrak 03 taldeari eta 30-20 Urruñarrak 02 taldeari. Eta Urruñarrak 01 taldearekin 22-30 galdu zuten.
Emaitzek erakusten duten moduan, Urruñakoak baino gehiago izan ziren irurarrak, eta estuasun handiegirik gabe irabazi zituzten partida guztiak, bat izan ezik.
Kadeteetan, berriz, Ametsa 01 taldeko Montero-Isasa bikoak ez zuen partida ona jokatu, eta 40-19 galdu zuen Urruñarrak 01 taldeko Vila-Gillemin bikoaren kontra.
Larunbat arratsaldean, Ametsa 02ko Zabalegi-Yeregi bikoak ere galdu egin zuen Angeluko Hardoytarrak 01 taldeko Doyhanboure-Lafargue bikoaren kontra 40-18, Ametsa trinketean.