II. San Migel Xare Irekiko ligaxkako azken jardunaldi erabakiorra jokatuko dute larunbatean, 17:00etan, Irurako Ametsa trinketean.
Lehen partida, Lopetegi-Karrikaburu eta Driolet - Moncada bikoen artekoa izango da. Bi bikoak euren partidak irabazita heldu dira partida honetara. Ondorioz, biak ala biak sailkatuta daude finalerdietarako, baina multzoko 1. eta 2. nor izango den ez. Eta hori da, hain zuzen ere, partida honetan erabakiko dena.
Bigarren partida, Etxeberri-Funosas eta De Paredes-Borteyru II.aren artekoa izango da. Hemen, Etxeberri-Funosas bikoak bai ala bai irabazi beharra dauka finalerdietarako sailkatu nahi badu, lehen partida galtzetik baitatoz. De Paredes- Borteyru II.a, aldiz, lehen partida irabazita datoz, eta 29 tanto egitea aski izango dute, finalerdietarako sailkatzeko.
Hortaz, bi partida guztiz interesgarri eta erabakigarri, larunbatean, 17:00etan hasita, Irurako Ametsa trinketean ikusgai izango ditugunak.
Finalerdiak erabakita geratuko dira, Irurako Ametsa trinketean, 17:00etan hasiko den jardunaldian.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!