Covid–19aren baldintza zorrotzen pean eman zaio hasera II. San Migel Xare Irekiari Irurako Ametsa trinketean. Lehen partida bikaina ikusi dugu, baina bigarrena ez da hain ona izan.
Jardunaldiko lehen partidan, Driolet-Moncada bikoak 40-36 irabazi die Larronde-Algaranondori. Azken hamarkada arte parekatua eta oso gogorra joan da partida, eta berdinketa ugari eman dira. Ordubete baino gehiago iraun du partidak, eta bero handia egiten zuela kontuan izanda, pilotariek ahalegin handia egin behar izan dute. Ondorioz, Driolet-Moncada bikoa Larronde -Algaranondo bikoa baino osoago iritsi da partidaren azken hamarkadara, eta 40-36 irabazita, A taldeko ligaxkako lehen puntua lortu dute.
Bigarren partidan, De Paredes-Borteyru II bikoak 40-29 irabazi zien Borteyru III-Sistiaga bikoari. Borteyru III-ak Julen Apeztegia herritarraren ordez jokatu du, gaixorik dagoelako. Hasieran Borteyru III-Sistiage bikoak ondo eutsi zien De Paredes-Borteyru II bikoari, baina partidaren erditik aurrera, De Paredes-Borteyru II bikoa heuren jokoa egiten hasi da eta pilota gutxi galduz, sendotasun handia erakutsi du. Ondorioz, Borteyru III-Sistiage bikoa, ondo hasi bada ere, heuren jokoak ez du jarraipenik izan, eta azkenean nahiko erraz galdu dute 40-29. De Paredes-Borteyru bikoak B taldeko ligaxkako lehen puntua lortu du.
Xare Irekiaren bigarren jardunaldia irailaren 11n, ostirala, 19:00etan, jokatuko da.