Ezustekorik ez, Gipuzkoako xare Txapelketako finalerdietan

Erabiltzailearen aurpegia

Yarza-Heras infantiletan eta Lopetegi-Huitzi kadeteetan sailkatu dira finalerako.

Larunbatean jokatu ziren Irurako Ametsa Trinketean Gipuzkoako infantil eta kadete mailetako finalerdiak. Lehen partida, infantil mailako Ametsa 2.( Yarza-Heras)/ Ametsa 4( Galartza II-Aristi) izan  zen, eta Yarza-Heras bikoak,30 eta 13,   erraz irabazi zion Galartza II-Aristi bikoari. Faboritoek  joku serio eta sendoa  egin zuten,  ia hutsik egin gabe. Galtzaileek, aldiz, ez zuten heuren egunik onena izan, eta ohi baino huts gehiago egin zituzten. Hortaz, Yarza-Heras bikoak, Bernal-Lopetegi bikoaren kontra  jokatuko du infantil mailako  finala, otsailaren 29an. 

Bigarren partida, kadete mailako, Ametsa 2 (Lopetegi-Huitzi)/ Ametsa 4 (Mendizabal-Mujika)  izan zen. Hemen ere ez zen ezustekorik izan, eta bikote faboritoak,  hasera-haseratik hartu zuen aurrea, eta estuasun handiegirik gabe irabazi zuen partida. Irabazleek, biek ala biek,  oso ondo hartu zuten elkar. Galtzaileak ere ondo aritu ziren, batez ere haseran, baina Lopetegi-Huitzi bikoak aldea egin zietenean, etsi ez bazuten ere, ezinean aritu ziren. Ondorioz, Lopetegi-Huitzi bikoak, Zabalegi-Isasa I bikoaren kontra jokatuko du kadete mailako finala, otsailaren 29an.

Jardunaldi honetan,  hirugarren partida bat ere jokatu zen, ostiralean. Infantil neskak mailako Ametsa3 (Mendizabal-Isasa II)/  Ametsa2 ( Goenaga-Gorriti). Mendizabal-Isasa II  bikoak 30-11 irabazi zuen,. Bikote irabazleak  nagusitasun handia erakutsi du Txapelketa guztian. Goenaga-Gorriti biko galtzaileak,  lanean gogor jarraitu beharko  du,  otsailaren 29an  Mendizabal-Isasa II-aren kontra jokatuko duten finalean,  txapela janzteko aukerarik izan nahi badute.  

 

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

#EgitenDuzunaGara


EGIN ATARIKIDE!