Gipuzkoako xare txapelketako finalista batzuk eta finalerdiak erabakita.

Erabiltzailearen aurpegia
Infantil neskak mailan,  Goenaga-Gorriti bikoak jokatuko du finala,  Mendizabal -Isasa I  bikoaren  aurka.  

Ostiral arratsaldean jokatu zen infantil nesken  arteko  Ametsa 1(Galartza I-Fernandez)/ Ametsa 2(Goenaga-Gorriti) partida. Partida garrantzitsua bi bikoteentzat, irabazleak  finalerako falta zen  txartela eskuratuko zuelako.  Bestea,  Ametsa 3(Mendizabal-Isasa II) bikoak eskuratua zuen, oraindik partida bat jokatzeke izan arren.  Haseran, Goenaga eta Gorriti sendo hasi ziren,  eta aldea hartzea lortu zuten. Hala ere, Galartza I-Fernandez bikoa heuren jokoa egiten hasi zen, eta partida iraultzea lortu zuen, 23-20 aurretik jarriz. Partida, horien alde erabakiko zela  zirudien, baina  Goenaga-Gorriti bikoa berpiztu egin zen, Galartza-Fernandezen hutsegite batzuei esker, eta,  amaieran,    lasai antzean, 26-30, irabazi zuten  Hortaz, Naroa Goenaga eta Nahia Gorriti izango dira  finalean Matxalen Mendizabal eta Maider Isasaren aurka.

Larunbat arratsaldeko lehen partidan,  infantil  mutilen arteko  Ametsa 2 (Yarza-Heras)/ Ametsa 3(Mendiluze-Aristi),  finalerdietarako txartel bat  zegoen jokoan. Partida hasera estua izan bazen ere, Ekhi Yarza-Aimar Heras  bikoak aldea hartzea lortu zuen. Gero, Oier Maiza eta Arkaitz Mendiluzeren  erasoei ondo eutsi zien. Gainera,  partidaren erdialdetik aurrera, Oier, zertxobait jaitsi egin zen, astean zehar gaixorik ibili delako. Ondorioz, Ekhik eta Aimarrek,  30-18,  erraz irabazi zuten partida.

Bigarren partida, Ametsa 4(Galartza II-Aristi)/ Ametsa 1(Bernal-Lopetegi),  infantil mutilen artekoa  hau ere. Partida garrantzitsua  finalerako txartel bat erabaki zitekeelako. Eta halaxe izan zen, Ametsa 1( Bernal-Lopetegi) bikote faboritoak  nahiko erraz hartu zuen menpean Ametsa 4(Galartza II-Aristi) bikoa. Ondorioz, Bernal-Lopetegi  bikoa finalerako zuzenean sailkatu da. Galartza II-Aristi bikoak, berriz, Yarza-Heras bikoaren aurka  jokatuko du  finalerdia,   datorren larunbatean,  finalerako bigarren txartelaren bila.

Hirugarren  partidan, kadete mailako Ametsa 3(Montero-Yeregi)/Ametsa 4(Mendizabal-Mujika),  finalerdi bat zegoen jokoan. Partida ikusgarria izan ez bazen ere, emoziorik ez zen falta izan. Mendizabal-Mujika bikoak partida osoa menpean izan zuen, eta 10 tantutako aldea (24-14) edukitzera iritsi zen. Baina, Gonzalo hobeto sakatzen hasi eta Mikel seguruago jokatzen hasi zirenean,   partida berdintzea eta 32-31 aurrea hartzea lortu zuten.   Azken zati erabakioerrean, ordea, Matxalenek eta Markelek gehiago asmatu zuten , eta partida irabaztea lortu zuten,  eta,  bide batez,  baita finalerdietarako txartela ere.

Azken partidan finalerako txartela  zegoen jokoan,  Ametsa 5(Zabalegi-Isasa I)  eta Ametsa  2(Lopetegi-Huitzi) bikoteen artean. Haserako tantuetatik  ikusi zen partida lehiatua eta estua izango zela. Bi bikoteak oso kontzentratuta atera ziren, eta zer joko mota egin behar zuten ondo  prestatuta sattu ziren kantxara. Partida parekatua joan zen, eta  ez bikote batek ez besteak alde handirik ez zuen lortzen.  Azken zatian,  Zabalegi-Isasa  II-a 34-31 aurreratu ziren,  eta partida beraiena izango zela zirudien. Hala ere, Lopetegi-Huitzi bikoak ez zuen amore eman, eta 34na berdintzea lortu zuen. Azken tantu erabakiorra, harmailetan zegoen jendearen, eta batez ere, pilotarien gurasoen, urduritasuna agerikoa zela jokatu zen, eta Julen Zabalegik eta Iker Isasak lortu zuten. Ondorioz, hauek zuzenean finala jokatuko dute, eta Xuban Lopetegik eta Gorka Huitzik finalerdia jokatu beharko dute Matxalen Mendizabal eta Markel Mujikaren aurka,  datorren larunbatean Irurako Ametsa trinketean, finalerako bigarren txartela jokoan.

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

#EgitenDuzunaGara


EGIN ATARIKIDE!