Larunbatean, urtarrilak 11, 15:30ean, hasiko da Irurako Ametsa trinketean infantil eta kadete mailako Gipuzkoako xare txapelketa. Infantil mailako nesken partida batekin emango zaio hasera Txapelketari, eta une historikoa izango da, historian lehen aldiz jokatuko baitute neskek xarezko txapelketa ofizial bat. Ametsa Pilota Elkarteko 3 taldek hartuko dute parte txapelketan, eta lehen partida hori jokatzeko ohorea, Nora Galartza-Irati Fernandez eta Matxalen Mendizabal-Maider Isasa, bikoteei egokitu zaie. Hirugarren bikotea, Nora Goenaga-Nahia Gorriti izango da. Bertan egon eta galdu ezinezko une historikoa zalantzarik gabe. Segidan, infantil mailako mutilen partida izango da, Ametsa 4(Galartza II-Aristi)/Ametsa 2( Yarza-Heras).Eta ondoren, kadete mailako bi partida izango dira: Ametsa 1(Huarte-Itoitz)/ Ametsa 3(Montero-Yeregi) eta Ametsa 4(Mendizabal-Mujika)/ Ametsa 5(Zabalegi-Isasa ).
Igandean, 17:00etan, jokatuko da infantil mailako falta den partida, Ametsa 1(Bernal-Lopetegi)/Ametsa 3(Mendiluze-Maiza) bikoteen artekoa. Beraz, larunbat arratsalderako hitzordua Ametsa Trinketean daukazue, 15:30ean. Etorri eta izan une historiko honen lekuko!