Giro ederra Xare Irekiaren estreinakoan

Erabiltzailearen aurpegia

Apeztegia-Funosas eta De Paredes-Bortheiru bikoak lehen irabazleak. 

Irailaren  6an eman zitzaion hasera Irurako Ametsa trinketean I. San Migel xare irekia/Irurako Udala Sari Nagusiari.

Lehen partidan, Apeztegia-Funosas bikoak 40 -37 irabazi zioten  Larronde-Moncada bikoari. Partida ikusgarria izan zen. Izugarrizko erritmoan eta pilotari abiadura ikaragarria emanez jokatu zen partida. Tantu ikusgarriak jokatu zituzten,   ikusleen gozamenerako. Partidaren azken hamarkada arte (30-29) ez zuten aurrea hartu  Apeztegia-Funosasek, eta hortik amaiera arte, ez zuten burua galdu irabazleek,  Larronde-Moncada bikoa 39-38  urreratu bazen ere.  Azken tantu ikusgarria jokatu zuten lau pilotariek, baina azkenean ez zen berdinketarik izan eta Apeztegia-Funosas bikoak  irabazi zuen. Mikel Funosasen eskarmentuak erabaki zuen partida.

Bigarren partidan, De Paredes -Joxi Lopetegiren ordezkoa-  Bortheiru bikoak  40-29 irabazi zioten  Driolet-Etxeverri  bikoari. Lau pilotariek Ametsa trinketean jokatzen zuten lehen aldia zuten, eta honek baldintzatu zuen partidaren azken emaitza; De Paredes-Bortheiru bikoa hobeto egokitu zen Ametsa trinketearen berezitasunetara.  Galtzaileak, pilotari handiak direnez,  ligaxka amaitzeko egokituko dira trinketearen berezitasunetara,  eta  eurekin kontatu beharko da aurrerantzean. 

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

BATAK BESTEA DAKAR


EGIN ATARIKIDE!