Batzarremuño aretoan izango da ekitaldia aurreko bietan bezala. Jorratuko den gaiari buruzko zenbait gertakizun historiko ezagutzeko bi hitzaldi eskainiko dira lehenik eta, gero, etorkizunari buruzko mahaingurua izango dugu. Hona egitaraua:
10:00etan, Erdiaroko emakumeak. Estereotipoak baztertzen; lan munduaren garrantzia hitzaldia eskainiko digu Agurtzane Paz Moro (Donostia, 1984) historialariak. Historian Doktorea da bera, eta Nafarroako Unibertsitateko (NUP) Gizarte Zientzietako irakaslea.
11:00etan, Euskal Herriko Emakumearen eraikuntza historian: irakurketa dekolonial bat gaia jorratuko du Cira Crespo Cabillok (Bartzelona, 1980). Historian Doktorea da historialari eta idazle hau ere.
Bi hitzaldien ondoren, bertaratutakoek izango dute beren galderak egiteko edo gogoetak partekatzeko tartea. Gero, atsedenaldi labur bat egin eta, 12:30ak aldera, etorkizunaz hausnartzeko mahaingurua izango dugu. Gaia: Emakumearen iruditeria zimenduetatik eraberritzea. Bi hizlariek, Agurtzanek eta Cirak, eta Jakin taldeko zuzendari Lorea Agirre Dorronsorok (Beasain, 1968) osatuko dute mahaia. Azken honek gidatuko du solasaldia.
Jardunaldi irekiak dira eta gonbidatuak zaudetete jakintzara eta hausnarketara guregana bildu nahi duzuen guztiak; ez dago aurrez izena eman beharrik, eta ongietorriak izango zarete bertaratzen zaretenak. Zatozte eta begira diezaiogun joandako milakoari, eta hausnartu datozen milak eraikitzen jarraitzeko.