Une politak bizitu genituen urriaren 22an Imaz Bertsolaria bertsolari altzotarrari eskainitako "Imazen Pagopean" antzezlana burutu bitartean: bertsolariaren bizitzako pasarte antzeztuak, soinu-joleak eta dantzariak, ibilbideko ikusgarriak, ... Gorderik daude, iltzatuta, horietako pasarte batzuk batzuon buruetan. Bada ez bada, ordea, ziurtasun handiagoz jaso dituzte Haritz Olanok, Patxi Renobalesek eta Antton Iztuetak, argazki geldietan haiek eta bideo ikus-entzungarrietan azken honek, guztion gogoangarri. Horretaz gozatzeko aukera emango du Anttonek prestatutako lanak.
Emanaldiaren ondoren , Elordi Elkartean afalduko dute antzezlanean parte hartu dutenek, amaiera emanez horrela "Imaz Bertsolaria Eskolak 25 Urte" egitarauan barneko ekimen eder honi.