Bakean dagoena bakean utzi eta Luze edo Motz emankizun arrakastatsuen haritik, ZtandaP ikuskizun honetan ere, Idoia Torregaraik eta Mirari Martiarenak, generoa hartzen dute umoregai, eta eguneroko gaiak lehertzen saiatzen dira betaurreko moreak jantzita. Orgasmo arrakala, maitasun erromantikoa, señorak, elkarbizitza ... izango dituzte hizpide horretarako, besterik beste. Kritika eginez, deseraikiz, barre eginez eta egin araziz eztandarazi, lehertu, nahi dituzte bazterrak.
Estreinaldia Altzon: ZTANDAP
Zorte ona ematen omen die bere lanak Altzon estreinatzeak, eta, beraz, ez da estrainatzekoa Altzoko Batzarremuino aretoan estreinatzea Mirari Martiarenak eta Idoia Torregaraik beren azken antzerki lana: ZtandaP . Azaroaren 3an, ostirala, 19:00etan, da emankizuna. Kontu serioak graziaz bizi nahi dituenak, hortxe hitzordua.
ATARIA ez da soilik komunikabide bat: komunitate baten ahotsa da, eta urte hauen guztien ondoren, zuen babesa behar dugu, inoiz baino gehiago: ATARIAk behar du Tolosaldea. Horregatik erronka bat daukagu esku artean: gure eskualdeko 28 herrietan hamarna harpidedun berri behar ditugu. Zu falta zara, bazatoz?
EGIN ATARIKIDE!