EUSKARALDIA ALTZON

Erabiltzailearen aurpegia
EUSKARALDIA ALTZON

Antolatuko al dugu EUSKARALDIA Altzon? Galdera honi erantzutera deituak daude altzotar guztiak datorren asteazkenerako, martxoak 28, 19:00etan, Udaletxeko areto anitzera.

Euskararen erabilera indartzeko, azaroaren 23tik abenduaren 3ra luzatuko den hamaika eguneko ariketa proposatu da 2018rako: Euskaraldia. Euskal Herri mailan euskaraz dakiten edo eta gutxienez ulertzen duen guztiei ariketa praktiko bat proposatu zaie: ahoan bizi izatea dakitenei eta belarria prest izatea ulertzen dutenei.

Altzotar gehienek euskara dugu harremanetarako hizkuntza, Baina erabil genezakeen guztietan erabiltzen al dugu? Edo kosta egiten bazait eta zailtasunak baditut hitz egiteko, hartzen al dut besteei entzuteko behar den adina pazientzia? Edo, jakinda, entzun nahi didanari beharrezko patxadaz hitz egiteko aldarterik izaten al dut? Horrelako galderei, eta beste askori, erantzuten hastea proposatuko dugu, egunerokoan zer aldaturik badugun ikus dezagun.

Horri buruz hitz egitera gonbidatu nahi zaituztegu altzotarrak Altzoko Udala eta Galtzaundiko kideek, Nahi duen guztia gonbidatuta dago datorren asteazkenean, martxoak 28,  19:00etan, Udal Etxean egingo den bilerara. Han biltzen garenon artean erabakiko dugu Altzok Euskaraldian parte hartuko duen eta, hala bada, egitasmoa martxan jartzeko erabakiak hartzen hasiko gara. AHAL DEZUTEN GUZTIAK, ETORRI!



Auzia ez da izan ala ez izan. Kontua ekitea da. Atarikide egitea, euskararen aldeko hautua egitea, zure herrian gauzak antolatzea, horren berri ematea, etxetik plazara salto egitea. TOLOSALDEKO ATARIA egiten duzun hori da. Egiten duzun neurrian gara.


EGIN ATARIKIDE!