ataria.eus

Erabaki dira XXI.Frontoi Zaharreko finalak

Erabiltzailearen aurpegia   kirola

Gaur jokatutako partidarekin erabakita geratuko dira Altzoko XXI.Frontoi Zaharreko finalak. San Inazio jaietan, abuztuaren 1ean, arratsaldean jokatuko dira.

Joan den larunbatean jokatu gabe geratu zen finalaurreko bakarra, nagusien mailakoa,  jokatu da gaur arratsaldean: partida ezin estuagoan, Beñat Amiano eta Unai Mujikak 22-21 irabazi diete Xabier Murua eta Mikel Artolari; ordubete aritu eta gero, Xabierrek ezker marratik hara botatako pilotak erabaki du.

Iker eta Ander Zubeldia anaiak izango dituzte aurkari finalean gaurko irabazleek, 22-17 irabazi baitzieten joan den larunbatean Ander Azurtza eta Enaitz Aizpitarteri.

Gaztetxoen mailan, Saioa Goitia-Haritz Esteban eta Ane Ugartemendia-Andoni Iturriotz izango dira aurrez aurre finalean. 18-7 irabazi zieten lehenek Jokin Olano-Mikel iturriotzi, eta 18-9 bogarrenek Mikel Olano-Markel Lizarribarri.

Txiki-txikietan, berriz, Ibai Goitia-Martin Elola eta Gailur Elduaien-Harkaitz Muruak jokatuko dute finala. Lehenek, 16-7 iranazi zieten Unax Artetxe-Lander Isastiri eta, bigarrenek, 16-6 Ainhoa Ugartemendia-Eñaut Elduaieni.

Beti bezala, festa bikaina jarri dute gure pilotariek uztaileko ia arratsalde guztietan. Bete-betean asmatu genuen herrikoon arteko pilota joko hau martxan jarri genuenean. Bai, alajaina!

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa