Txikienak eman zioten hasiera txapelketari. Berrogei pilotari altzotarrek, 35 mutil eta 5 neskak, eman dute izena eskuz pilota goxoekin jokatzen den txapelketa honetan; hiru maila bereizi dira ohi bezala: txikiak (12 pilotari), gaztetxoak (12 pilotari) eta gazteak (16 pilotari). Unax Gorostiaga-Ibai Goitia eta Markel Lizarribar-Unax Artetxe bikoteek izan zuten lehen partida jokatzeko ohorea. Hemendik aurrera, elizako horma zaharrak, bere koskek eta pilotarien taxuek emango dute epaia. Herriko festen atari, pilota festa izango dugu uztailean zehar herrian.
Atzo, ekainak 27 hasi zen Altzoko frontoi zaharreko pilota txapelketa herrikoia. Hogeigarren edizioa da aurtengoa eta, hiru mailatan banatuta, berrogei altzotar ariko dira jolas eta joko. Finalak herriko jaietan jokatuko dira.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!