Xabier Amurizak jendaurreko bertsolaritza utzi duela iragarri du maiatzaren 3an, 75 urte bete dituen egunean. Joan den ostiralean Altzon egin zuen saioa izan da, beraz, Xabier Amurizaren bertso ibilbide luzeko azkena.
Altzok izan du bertsolaritza berriaren aitzindari dugun bertsolari ikaragarri honek plazak agurtzeko egin duen azken bertso-saioaren ohorea. Alaba Miren izan zuen lagun eta bertsokide egun honetan, berez berezia zena are eta bereziago eginez guztiontzat.
Une oso hunkigarriak bizitu genituen Udaletxean eta Elordi Elkartean elkartu ginenak. Antton Iztuetak jaso zuen Elordi Elkarteko saioa bideoan. Merezi du azkenera arte ikustea.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
