Ostiralean Loatzoko musikariek emanaldi xamur eta gustagarria eskaini ziguten herriko elizan. Ohituera bilakatu da dagoeneko eta eliza bete-bete egiten da gure neska-mutioak egiten ari diren aurrerapenaz gozatzeko.
Atzo, larunbata berriz, pailasoak, Inpromatxa eta talo eta gaztain jana; tira, nahikoa hirugiarra, txistorra, gazta, menbriloa eta txokolatea ere jan genuen. Elordi Elkartea goi ta behe bete zen. Bi txandetan eman behar izan zen afaria: lehenik gaztetxoei, eta gero gainerakoei. Bukatzeko karaokea: kosta zitzigun apur bat animatzea baina, Anttonek xaxatuta, animatu ginen poliki-poliki eta bukatzen lanak gero. Eskerrik asko talogile eta sukaldari taldeari, emakumeen eskuak denak, eta Elordiko zuzendaritzakoei, zerbitzu aparta egin zuten-eta.
Erakusketa, agindu bezala, atzo arratsaldeko 8etan itxi zen. Arrakastatsua izan da eta izugarri gustatu zaie ikustera inguratu diren guztiei. Mila esker antolatzaileon partetik Miren Garikano, Zuriñe Peñagarikano, Kike Rodrigez, Edurne Sudupe, Pablo eta Dabid Azurza, Manuel Epelde eta Roman Ganzaraini beren lanak erakusteko emandako erraztasunagatik eta, baita, erakusketa atondu duten Loli, Lierni, Leire ... eta abarri.