31 segundoko aldeagatik irabazi zuen Aizpuruk. Anoetan bizi den ibartarrak 4 ordu 51 minutu eta 28 segundo behar izan zituen helmugara iristeko. Kilometroa 6:51ko denboran egin zuen, bataz beste. Bigarren Francisco Gonzalez Sarrios izan zen.
Asteburuan lasterketa gehiago ere izan dira, eta Alpino Uzturreko lasterkariek honako emaitzak lortu dituzte:
Kanariar Uharteetako La Palma irlan, Transvulcania mendi lasterketa ezaguna lehiatu da. Garikoitz Zumeta 259. postuan sailkatu da, 74 kilometroko ibilbidea 11:18:09ko denbora eginda.
VIII Erlaitz Aiako Harriak mendi lasterketan, berriz, 23. postuan sailkatu da Elorri Ugartemendia (2:59:13). 25. postua egin zuen Josu Oiarzabalek (2:08:01), eta 49. postuan sailkatu zen Arri Arrizabalaga (2:14:55).
Irati Trail mendi lasterketan, berriz, Asier Traba 53. izan zen (2:59:13).