Baso ederrak eta aztarna historikoak ikusi ahal izango dira ibilbidean zehar. Tartean, Unanua mendira (654 metro) igoko dira. Mendi hauetako baliabide naturalak ugariak dira, eta historiaurretik etengabe ustiatu dira bertako larre, baso, ur eta meatzak.
Antzina-antzinatik Artikutzan izan den giza presentziaren lekuko ugari miretsi ahal izango dira ibilbidean: historiaurreko monumentuak, ikazkinen txondor plazak, Erdi Aroko burdinolak... eta hori guztia, erreserba natural paregabe batean.
Guztira 19 kilometroko ibilbidea izango da, eta sei ordutan egitea aurreikusten da. Autobusa 07:30ean irtengo da Tolosako San Frantzisko elizatik.
Izena emateko bi bide daude: emailez, info@alpinouzturre.eus helbidean, edo 943 65 27 89 telefonora deituz. Bazkideek 13 euro ordaindu beharko dituzte; ez bazkideek, berriz, 15 euro.