Familiei zuzendutako ibilaldia da, guraso edota arduradun nagusiekin egiteko aproposa eta atsegina.
8 kilometroko luzera du ibilbideak. Gorostieta gainean hasiko da, eta hainbat mendi igoko dituzte Leurtzako urtegietara iritsi aurretik: Larremear (990 m.) Eragorri (1.020 m.) Soratxipi (1.069 m.) eta Munazorrotz (1.020 m.). Ibilbide horren gorabehera 300 metrokoa da.
Eremu horretan pagoa da zuhaitz nagusiena, eta gailur horietatik ikuspegi zabalak izango dira. Leurtzako paisaia ere bikaina da: garai batean egur ikatza egiteko txondorren kea nagusi zen leku horretan, baina 1920an errekaren ur emaria aprobetxatzeko bi urtegi egin zituzten.
Bus-Irteera: 09:30ean San Frantzisko Elizatik
Itzulera: 17:00 etan Tolosan egongo gara
Prezioa: 5 euro txikiek, eta 10 euro helduek
Informazio gehiagorako eta izena emateko, info@alpinouzturre.eus edota arratsaldetan 943652789 telefonora jo dezakezue.