Goizeko 07:30ean irtengo da autobusa Tolosako San Frantzisko pasealekutik. Lezamara (Araba) joango dira, eta bertatik, Berberenaraino joango dira, Arando (944 m.) eta Beratza/Askuren (710 m.) mendietatik igaroz.
20 kilometroko ibilbidea izango da, eta sei orduko iraupena izango du gutxi gora behera. Igoeraren desnibela 826 metrokoa da, eta jaitsierarena 375 metrokoa.
Informatzeko eta izena emateko hiru bide daude: gure weborri berrituan alpinouzturre.eus, info@alpinouzturre.eus emailera oharra bidaliz, edota 943652789 telefonora deituz.
Bazkideek: 13 euro ordaindu beharko dituzte, eta ez bazkideek, berriz, 15 euro.