Lanak, azaroaren 19tik 23ra Gurea areotan ospatuko den 35. Mendi Astean erakutsiko dira eta azaroaren 23ko emanaldian banatuko dira sariak.
Argazki onenari 150 euroko saria emango zaio, bigarren saridunari 100 euro eta hirugarrenari 75 euro. Haurren kategorian, 12 urtetik beherakoentzat ere izango dira sariak: bi argazki onenen egileentzat mendi materiala oparituko dute. Gainera, publikoak hautatutako argazki onenaren egileak, bi lagunentzako afaria irabaziko du Itzalpe jatetxean.
Mendi aste oparoa
Urtero antolatzen du garai honetan mendi astea Aizkardi elkartea. Azaroaren 19tik 25era izango da aurten eta emanaldiak Gurea aretoan izango dira.
Hona hemen prestatu duten egitaraua:
Azaroaren 19tik 22ra
11. Argazki rallyko lanen erakusketa Gurea aretoko sarreran.
Azaroak 20, asteartea
20:00. Pou anaien eskutik 20 urte mendi bertikaletan emanaldia.
Azaroak 21, asteazkena
20:00. Joseba Iztuetak eskainiko du emanaldia: Denbora izeneko leku bat Khan Tengri eta Lenin Peak.
Azaroak 22, osteguna
20:00. Andoni Arregi eta Imanol Amundarain arituko dira emanaldia eskaintzen: Madagaskar, eskalada aitzaki.
Azaroak 23, ostirala
20:00. Annapurnaren magaletik oinez emanaldiaz ariko dira, Mendia, Ait-chaou, Lertxundi eta Barinaga.
Ondoren. Argazki rallyaren sari banaketa ekitaldia.
Azaroak 25, igandea
08:30. Olaederra kiroldegitik abiatuko da mendi ibilaldia.