Guztira 9 kilometroko luzera izango du Aizkardi mendi elkarteak markatutako ibilbideak eta bertan atera beharko dira argazkiak. Lau orduko epea izango da horretarako.
Lanak azaroaren 20tik 24ra Mendi Astearen barruan erakutsiko dira Gurea zinema aretoan. 12 urtetik beherako haurren kategorian bi argazki onenen egileentzat mendi materiala oparituko da. Publikoak hautatutako argazki onenak Iturri-Goxo jatetxean bi lagunentzako afaria jasoko du. Epaimahaiak ere sariak emango ditu: onenak 150 euro, bigarren sailkatuak 100 euro eta hirugarrenak 75 euro jasoko ditu.