Aste osoan zehar. 8. argazki rallyko lanen erakusketa izango da ikusgai Gurea zinema aretoko erakusketa aretoan. Sari banaketa, ostiralean egingo dute, 20:00etatik aurrera.
Bien bitartean, astelehenean, Everest filma ikusteko aukera izango da Gurea zinema aretoan. Asteazkenean, Alex Txikon izango da Villabonan eta Nanga Parbat neguan izeneko emanaldia eskainiko du. Ostegunean, berriz, Cervionoko lehen igoeraren inguruko El Reto filma eskainiko dute. Eta ostiralean, argazki rallyaren sari banaketaren aurretik, Xabier Urrateren Jainkosa turkesa: Cho-Oyu emanaldia izango da.
Igandean, mendi ibilaldiarekin bukatuko da aurtengo mendi astea. Goizeko 08:30ean aterako dira Olaederra kiroldegitik.