Amasa-Villabonako Aizkardi Mendi Elkarteak irteera antolatu du iganderako. Espejo, Batxikabo, La Mota eta Cueto mendiak igoko dituzte, besteak beste.
Barriotik abiatuko dute ibilbidea eta handik 1201 metro dituen Batxikabo mendira igoko dira. La Mota (1315 metro) eta Cueto (1367 metro) gainetatik igaro ondoren, San Martin de Donen bukatuko dute ibilaldia.
Guztira 19 kilometroko ibilaldia izango da eta sei bat ordu beharko dituzte bidea egiten. Goizeko 7:00etan aterako dira, igandean, Olaederra kiroldegitik.
Izen emateak Aizkardi Mendi Elkartera jo beharko da, arratsaldez 649 71 71 82 telefonora deituta edo elkartearen egoitzara ostegun iluntzean joanda. osteguna da izen emateko azken eguna.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!
