Maiatzaren 10erako irteera antolatu du Aizkardik. 07:00etan irtengo gara Olaederra kiroldegitik eta Laudiora joango gara. Goikogane igo ostean, Ganekogortara joango gara, Kamarakatik pasata. Bilboko Burdin Hesia zenaren trintxerak ikusi ahal izango dira ibilbidean zehar. Ganekogortatik Galarraga mendira jaitsiko gara, eta Sodupen amaituko da ibilbidea. Guztira 18 kilometroko ibilbidea da, eta sei ordu t'erdiko iraupena izango du.
Izena emateko: 649717182 telefono zenbakira deitu, 20:00etatik 22:00etara bitarte, edo ordutegi berean, Aizkardi elkartearen bulegoan, ostegunetan. Azken eguna, maiatzaren 7a, osteguna, izango da.